नेपालमा जातीय भेदभावको थालनी कसरी र कहिले?
Sangam Shrestha,4/8/2021
“नेपालको जातपातको व्यवस्था भारतीय उपमहाद्वीपमा विकसित जातपातको व्यवस्था
हो । उत्तर भारतमा एघारौँ शताब्दीमा भएको मुस्लिम आक्रमणपछि ठूलो सङ्ख्यामा भएको
बसाई–सराईबाट नेपालमा हिन्दू धर्मले प्रवेश गरेको हो ।”[i] लेखक तारा लामगादे नेपालमा जातपातको बारेमा
लेख्छन् कि “आर्यहरुको प्रवेशले मात्रै जातिवादी प्रथाको आरम्भ भएको हो । आर्यमतको
विशेषता भनेको पुरोहितवाद, ब्राम्हणवाद, गुरुवाद, सति प्रथा, क्रुर
धर्म नीति हो । करिब ७ सय बर्ष पहिले नेपाल (उपत्यका) प्रवेश गरेका बाहुनहरुले
राजा जयस्थिति मल्लमार्फत १४ औँ शताब्दी (सन् १३८२–१३९५) छुवाछुत र जातप्रथा कायम
गराउन वर्णवादी व्यवस्था भित्र्याएका हुन् ।”[ii] यसरी हेर्दा जातीवादको सुरु गर्ने चाहिँ हिन्दू
आर्यहरु नै भएको इतिहासका पानाहरुले हामीलाई जानकारी दिदछ । जब नेपालमा हिन्दू
धर्मको फैलावट भयो त्यही अनुपातमा जातीय भेदभाव तिब्र रुपमा बढेको पाइन्छ । यो
कुनै मनगढन्ते कुरा होइन किनकि यो इतिहासको वास्तविक दस्ताबेज हो । यो इतिहासको
सत्य कालो चित्र हो जसले मानिसलाई मानिस नसोचेर जातको आधारमा विभेद गरिन्छ ।
संसारमा विभिन्न प्रकारको विभेद छन् जस्तैः रङ्गका आधारमा काला र गोला बीचमा विभेद,
आर्थिकको आधारमा धनी र गरिब बीच बिभेद भएको पाउँछौँ तर जातको आधारमा
चाहिँ नेपाल र भारतमा मात्र त्यही पनि हिन्दू धर्म भित्र मात्र छ । अब यसलाई हिन्दू धर्मको उपज भन्न मिल्छ या
मिल्दैन भन्ने कुरा भनि रहन पदैन होला । यस्तै जातीय प्रथालाई अझै बढाउनको लागि
गोरखाका राजा पृथ्वी नारायण शाहले गरेको पाइन्छ । “पृथ्वी नारायण शाहले असली
हिन्दुस्तान बनाउने रणनीतिसहित ४ वर्ण, ३६ जातमा विभाजन गरे
।”[iii] यहि कुप्रथालाई निरन्तरता दिने काम
प्रधानमन्त्री जंगबहादुर राणाले गरेको पाइन्छ । “...उनले वि.सं. १९१० मा जारी गरी
वर्णवादी हिन्दू व्यवस्थालाई संस्थागत गरे ।” उनले १९१० मा मुलुकी ऐन जारी गरेर
नेपालीहरुलाई चार वर्णको आधारमा विभाजन गरे । ती जात व्यवस्थाको विभाजन निम्नि छन्[iv]ः
१.तागाधारी
वा द्विजवर्णः उपाध्याय बाहुन, पूर्वीया, कुमाई, राजपुत, जैसी, क्षेत्री ।
२.मतवालीः
नमासिने र मासिने
३.पानी
नचल्नेः छोइछिटो हाल्नु नपर्ने
४.पानी
नचल्नेः छोइछिटो हाल्नुपर्ने ।
काठमाण्डौँमा
जात प्रथाको सुरुवात जयस्थिति मल्लको समय देखि सुरु भएको पाउँछौँ भने नेपालको
सन्दर्भमा भने हिन्दू धर्मको आडमा निमार्ण भएको वि.सं. १९१० को मुलुकी ऐनसँगै भएको
पाइन्छ । “ऋग्वेदलाई आधार मानेर यसको सुरुवातको व्याख्या गर्नेहरुले समुदायको
सुरुवात गर्नेलाई ब्रम्हाको शिरबाट ब्राम्हण, हातबाट
क्षेत्री, तिघ्राबाट वैश्य र खुट्टाबाट शुद्रको सुरुवात
आदिमकालमा नै भएको हो भन्ने गरिन्छ । शरीर बाट कुन भागबाट सृष्टि भएको भन्ने
आधारमा वर्ण व्यवस्थाको सुरुवात भएको मानिएको छ ।”[v] यहि आधारमा शिर बाट जन्मको ब्राम्हणले विद्धता
प्राप्त गर्ने, हातबाट सृष्टि भएकोले युद्ध सम्बन्धी कार्य
गर्ने, र वैश्य र शुद्रले चाहिँ यी दुई उच्च जातका
मानिसहरुलाई सेवा गर्ने वा उनीहरुलाई आवश्यक पर्ने कुराहरु बनाई दिने गरी चार
वर्गमा विभाजन गरेको छ । यसैले यो विभेद
आज सम्म पनि हामीहरुको समाजमा कालो दागको रुपमा रहि आएको छ । “जातीय भेदभाव तथा
छुवाछुतका अभ्यासहरूमा दलित र अन्य समुदायहरू एवं दलितहरूकै बीचमा रहेको बाराबारको
स्थिति पर्दछ । हिन्दु संस्कृतिमा पाइने परम्परागत विश्वासअनुसार दलितहरू अरूका
निम्ति “अशुद्ध” मानिन्छन् र उनीहरूलाई “अछुत” भनी कलङ्कित गरिन्छ । वास्तवमा
उन्नाइसौं शताब्दीमा छुवाछुतलाई संहीताकरण गरिएको थियो । यसले नेपाली समाजलाई तहगत
प्रणालीमा लग्यो र त्यसको सबैभन्दा तल दलितहरू परे । ” [vi]
Please Subscribe This Channel
[i]
Tara Lamagade, KO hun
Dalit? (Dharan: Mahapratiwad Rashtiya Saptahik, 2021), pg.3.
[ii]
Tara Lamagade, KO hun
Dalit? (Dharan: Mahapratiwad Rashtiya Saptahik, 2021), pg.4.
[iii]
Tara Lamagade, KO hun
Dalit? (Dharan: Mahapratiwad Rashtiya Saptahik, 2021), pg.6.
[iv]
Tara Lamagade, KO hun
Dalit? (Dharan: Mahapratiwad Rashtiya Saptahik, 2021), pg.6.
[v]
Sarwangeen mission (Lalitpur: Maika Nepal, 2019).pg
174.
[vi]
Rastiya Dalit Aayog, Accessed
Date March 5, 2021, Publice Date 2067,
https://nepal.ohchr.org/en/resources/publications/NDC_OHCHR_Obser_Untocblity_NEP.pdf.
1 Comments:
Thank you for reading
Post a Comment